„Песничките на баба и дедо“ e еден од проектите на здружението „Секвенца“ чија цел е зачувување на изворни песнички за деца кои произлегуваат од овој регион, но и да се овозможи да бидат слушани и од идните генерации.
Во контекст на оваа промоција, премиерно беше изведена песната „Поздрав од далеку“ во изведба на малата Марија Петковска.
Настанот го надополни детскиот хор група „Ежиња“ од детската градинка „Естреја Овадија Мара“ – Битола.
Тимот на здружението ја промовира првата песна и им порача на младите да уживаат во песничката сѐ до реализација на наредниот дел од проектот.
Здружението за музичка култура и уметност СЕКВЕНЦА Битола го претставува Марјан Паревски, кој се залага за унапредување и афирмација на македонската култура и уметност, поддршка и негување на традиционалната и модерната култура и уметност во регионот и пошироко.
Задачата на здружението е да посветува внимание и поддршка на млади таленти кои сакаат да ја негуваат музичката култура и уметност исто така и нивна промоција, со тоа што ја подигнува свеста на јавноста во Македонија дека културата и уметноста имаат големо општествено значење.
