Детското ликовно студио „Свети Кирил и Методиј” од Битола во сопствена организација започна реставрација на ликовните дела на својот основач – светски познатиот и признат ликовен педагог и уметник Коста Хаџи-Антоновски (1935 – 2О21) кој го основал студиото пред 40 години.
Наследникот на Хаџи-Антоновски, ликовниот педагог Ангела Каранфилова на сопствена иницијатива, а во согласност со семејството на Хаџи-Антоновски е одговорниот „виновник” што 10-тина дела на Коста Хаџи-Антоновски од периодот 1975 – 1985 година ќе го вратат својот сјај.
Каранфилова е студент на Факултетот за ликовни уметности при Универзитетот „Свети Кирил и Методиј” во Скопје, а над 15 години е член на ДЛС „Свети Кирил и Методиј” Битола каде после 40 години ја презема позицијата ликовен педагог, кој само за календарската 2022 година работи со над 50 ученици – млади ликовни уметници.
Коста Хаџи-Антоновски беше познат и признат ликовен уметник и педагог кој едуцирал многу млади ликовни таленти, од кои денес голем број се врвни ликовни сликари. Иницијатор и организатор на многубројни културни настани во Битола. Битолчани го паметат како педагог, културен работник, голем почитувач на децата, но најмногу по неговата работа и угледот кој тој го направи со Малиот Битолски Монмартр. Исто така и по свечените отворања во битолската чаршија, но и по коледарскиот оган. Сепак, неговата препознатливост остануваат децата од целиот свет како цртаат низ Битола со препознатливите штафелаи и отворени бои.
Коста Хаџи-Антоновски е добитник на многубројни награди и признанија од земјата и странство – како и на наградата за животно дело на Општина Битола 4-ти Ноември додека со ДЛС „Свети Кирил и Методиј“ ја ставија Битола на мапата на ликовните уметници ширум светот, додека Малиот Битолски Монмартр кој се организира на Денот на нивните патрони, Светите браќа Кирил и Методиј стана настан признаен од ООН и УНЕСКО како колонија за детско ликовно сликарство каде младите ликови уметници едвај чекаат да дојдат деца од сите страни на светот.
