На 12 септември 2022 година беше отворен Ромскиот здравствен образовен центар во Битола, кој е прв во Македонија и е во рамките на стратешкото партнерство „Roma HEALTH Care I“ (2017-1-DE02-KA204-004216).
Центарот ги започна своите активности, а прв официјален настан на Ромскиот здравствен образовен центар беше во соработка со ООУ„Ѓорѓи Сугарев“ во Битола. На 29.09.2022 година во спортската сала на ООУ„Ѓорѓи Сугрев“ – Битола се одржа спортски натпревар со родители и деца од сите генерации од ромската и неромската заедница. За време на настанот учесниците се потсетија колку спортот е забавен, но и колку придонесува за нивното здравје ако го практикуваат редовно.
Ова беше прв пат да се соберат заедно родители и деца од сите генерации, вклучувајќи дел од наставниот кадар во ООУ„Ѓорѓи Сугрев“. Стотина учесници се забавуваа и учеа за важноста на спортот, дисциплината, правилата и фер играта преку: – кратко предавање за важноста на изведување на утринска гимнастика, физички вежби и пешачење/велосипедизам/трчање во природа; – активности за згревање – изведување на вежби за развој на телото; – изведување штафетни игри во две групи со ротација; – играње лепчиња со сите учесници; – крајна активност – играње заедничко народно „оро на пријателство“.
Учесниците беа презадоволни и посакаа овој настан да стане редовен и премине во традиција. Во активноста им помогнаа директорот на ООУ„Ѓорѓи Сугрев“, Роберт Филиповски, како и одделенските наставнички Наташа Тодоровска и Билјана Рахманова Тасева кои помогнаа при организацијата и изведбата.
Исто така беше одржана и работилница со нутриционистот м-р Илија Бузлевски кој ги сподели своите совети за здравата исхрана.
Храната што ја јадеме има голем ефект врз нашето здравје и квалитетот на живот. Иако здравата исхрана може да биде прилично едноставна, порастот на популарните „диети“ предизвика збунетост. Всушност, тие трендови често го одвлекуваат вниманието од основните принципи во исхраната што се најважни.
Сите дилеми на присутните и оние што беа он лине се разјаснија.