Прославете го Преображението Господово и довршете го вашето преобразување во себе.
Господ Христос се преобразил при крајот на Својот земен живот. Крајот е близу и за вас. Ако според човечкиот часовник треба да живеете уште 50 години на земјата, според Божјиот часовник тоа е околу 50 минути или помалку.
Мисли на блиската смрт. Таа едноставно пристигнува. Ве опкружува од сите страни. Сети се на смртта. Сметај се себеси веќе мртов за светот а жив за Бога.
За време на Неговото Преображение на Тавор, Господ Исус разговарал со мртвите, со Мојсеј и Илија. Сети се и ти на мртвите. Сети се на твоите роднини и пријатели, кои те чекаат на другиот свет и кои се молат на Бога што поскоро да те земе од овој свет и да те донесе кај нив. И особено сетете се на светите мажи и свети жени, свети девојки и свети невини деца кои се преселиле пред вас, од минливото во неминливото,вечноста. Одврзете се од светот. Подгответе се за патување веднаш.
Уште само неколку Божји минути или секунди, и ќе се најдете на другата страна, на собранието на мртвите, на најголемиот собир што постои. Дали ќе се појавиш облечен или необлечен, чист или валкан, преобразен или непреобразен, дете Божјо или дете од пеколот – тоа е прашањето сега! Или стекнете сè, или – изгубите сè.
Уште малку, уште малку и играта завршува. Трепери од страв и повикај кон Христа Бога да те спаси.
Викајте: „Спаси ме, Господи, потонувам! Внимавај, ќе ти ја подаде раката и ќе ти рече како на Петар: ЗОШТО СЕ ПЛАШИШ?
Не плашете се, Тој е покрај вас.
Свети Николај Жички
