Денеска во Зоолошката градина во Битола беше промовирана збирката поезија која е резултат на конкурсот „Младите поети пишуваат за планетата Земја“, кој беше објавен по повод 22 април – Светскиот ден на планетата Земја и 23 април – Светскиот ден на книгата.
Проектот „Младите поети пишуваат за планетата Земја“ е во реализација на Ротари клубот „Битола Широк сокак“ и НУУБ „Св. Климент Охридски“ – Битола во чест на прерано починатиот ротари член Нешат Аземовски.
Нешат Аземовски, беше долгогодишен еко-активист и основач на невладината „Биосфера“, борец за здрава животна средина, иницијатор на активности за еколошка едукација и активности од други области, промотор на вредностите на мултикултуризмот, препознатлива личност со својот активизам не само во Битола и Македонија, туку и надвор од државата.
