Основното училиште „Даме Груев“ Битола е препознатливо по низа Еразмус проекти поврзани со решавање на еколошки прашања со главен фокус на глобалното затоплување. Така и овој пат училиштето беше дел од Еразмус активностите во Турција со вкупно 24 наставници и ученици од Италија, Унгарија и Турција во рамките на Еразмус проектот „Направи ја Земјата подобро место за живеење“ која се реализираа во период од 23-27 септември, 2024 година.
Активностите се реализираа со фокус на темата ПОЧВА, каде учесниците учествуваа во најразлични активности се со цел стекнување на зелени вештини, привлекување на вниманието на глобалното затоплување и климатските промени.
„Активностите започнаа со топло добредојде од страна на директорот и Еразмус координаторот од Турција за да се продолжи со претставување на земјите учеснички каде имавме можност да ја претставиме нашата земја и нашето богатство од културно историски знаменитости .
Во текот на нашиот престој во Турција учениците учествуваа во изработка на дигитални игри за климатските промени и проектно списание, постер презентации за глобалното затоплување ,посета на Орманија и истражување на богатата флора и фауна, т.е „Наша цел беше подигнување на еколошката свест која ќе продолжи една година на теми вода, пожар и воздух .
Во иднина ќе организираме активности со нашите ученици и со партнерските училишта се со цел да помогниме да ја направиме Земјата подобро место за живеење“, истакна на крај координаторот Соња Јанкуловска .
