Од Светскиот младински уметнички институт – Центар за УНЕСКО со седиште во Франција информираат дека учениците на Детското ликовно студио „Свети Кирил и Методиј” Битола на овогодинешниот конкурс кој ја носеше темата „Спомени на иднината” доделени им се 17 индивидуални Благодарници со Признание за учество од кои најголем број признанија – вкупно три има Лили Илиевска.
Од пристигнатите над 10.000 дела изборот е во фаза на пред селекција со избрани 820 ликовни детски дела во кои има и едно битолчанче – член на ДЛС „Свети Кирил и Методиј” Битола – Јаков Христов кој ќе се натпреварува за најдобрите 100 дела за 2022 година.
Од УНЕСКО воедно и со зборови за благодарсност до ДЛС “Свети Кирил и Методиј” Битола:
Би сакале да истакнеме дека нашата активност оди подалеку од зборот “натпревар” бидејќи нашата цел е да ги зачуваме сите уметнички дела како сведоштво за нашата културна различност видена од децата и младите. Не заборавајте дека сите сме дел од еден од најголемите проекти за уметничка меморија во светот.
Ние сме многу благодарни и искрено ви благодариме за вашата соработка на овој голем проект.
Воедно Светскиот младински уметнички институт – Центар за УНЕСКО ја најавија и темата за следната 2023 година:
Тематскиот натпревар за 2023 година е: “Приказни и легенди на мојата земја” a натпреварот ќе биде отворен од 1 јули 2022 до 15 јануари 2023 година.
