После подолг период, битолските рап групи Стиховно војување и Поетика објавија нова рап песна и видеозапис, со што повторно емоцијата ја претворија во музика. Песната ,,Поинаков свет” е реализација на Кичо од „Стиховно Војување” и Јове од „Поетика”. Нивната соработка резултира со освежување како на битолската, така и на македонската рап сцена. Стиховите во песната, напишани од нив, зборуваат за една поинаква младост, за сеќавањата и мемориите од детството кои ги носиме со себе и кои се уште имаат некаква инфлуенца врз нашата реалност. Младоста е приказна без почеток и крај, затоа двете групи се сплотија низ стихови да ја акцентираат важноста на младите години и носталгијата која непрекинато тече низ вените за враќање кон еден свет, кој денес, како резултат на развојот на личноста, е поинаков. Токму овој поинаков свет, никогаш не би бил поинаков, доколку не била завршена фазата низ кој поминува секоја личност, а тоа е младоста.
,,Зборот уште има таква сила светови да создава, за една младост која секој уште ја препознава” (извадок од рап песната ,,Поинаков свет”).
,,Поинаков свет” е снимена од Amazing Records, додека за миксот и мастерингот беше задолжена продукцијата Бертини Асановски. Реализацијата на видеото, како и режија на песната е Дејан Трајчевски. Спотот е сниман на неколку локации во Битола, а како гостин во ,,Поинаков свет” се појавува Игор Мицевски, со кој и двете групи имаат претходно соработувано на повеќе музички проекти.
,,Темата на песната претставува еден времеплов кој бавно патува од неповратното и се судира со сегашноста која е мотивирана да се сеќава и да остава трајни белези до бескрајот. Извор на носталгија која преку стиховите и виолината умее да зборува, да чувствува и да предизвика емоции кои можат да допрат и до најдлабокиот порив на човековата свест. Песната симболизира плод на многубројни претходни соработки кои одлучивме да ги крунисаме со едно ново заедничко остварување, како еден сублимат на целиот долгогодишен творечки опус” – вели Христијан Аџиоски (Кичо) за Читај бе.
За тоа каков е нивниот „Поинаков свет” ни кажува песната:
