Бројни студии го покажаа позитивното влијание на близината на вода врз луѓето. Тоа не прави посмирени, покреативни и подобри. Но, дали некогаш сте се запрашале каде се наоѓа плажата со најсина вода?
CV Villas собра нефилтрирани слики од 200 плажи ширум светот од Google, потоа ги анализираше за да го прикаже нивниот RGB код за боја и го спореди со кодот на сертифицираната најсина нијанса на сина, YInMn Blue, откриена од научниците од Државниот универзитет во Орегон во 2009 година.
Истражувачки тим откри дека плажата Pasqyra (Огледало) во Албанија ја има најсината вода во светот.
„Плажата Pasqyra го зазема првото место, а бојата на морето е на само 12,4 поени оддалечена од YInMn Blue нијансата“, ги објавија податоците од CV Villas.
Оваа прекрасна локација покрај морето се смета за најубав дел од албанското крајбрежје.
Плажата се наоѓа на јужниот дел на Албанија, спроти грчкиот остров Крф и е сместена меѓу големи карпи кои ја штитат од ветрот. Поради својата локација има само еден ресторан и бар, но тоа е повеќе од доволно за фантастичен ден на плажа. Иако е потребно малку труд за да стигнете до таму, многумина го посетуваат, па очекувајте гужва. Но, повторно, сето тоа е вредно за да ѕирнете во впечатливото сино море.
На Pasqyri на листата на плажи со најсино море му се придружува Паралија Мпука (Лонг Бич) во Грција на второто место, на само 13,6 поени оддалеченост од сенката на YInMn Blue, а по неа е Касиопи во Грција на третото место, на само 14,1 поени. Потоа следуваат Плаж де ла Вернет во Франција и плажата Капутас во Турција – заокружувајќи ги првите 5 плажи.
Според CV Villas, седум од топ 30 локации со најсиното море во светот припаѓаат на Грција (вклучувајќи ги и двете веќе споменати): плажата Вулисма на Крит, Фока на Кефалонија, Омпројалос, исто така на Крит, и плажите Антисамос и Дафнуди во Кефалонија.
