Јонското крајбрежје на западна Грција е вистински скриен рај – место каде тиркизната вода се слива со зелените ридови, а плажите изгледаат како разгледници. Ако сонувате за мирно лето исполнето со сонце, кристално море и традиционална храна – еве ги нашите омилени дестинации:
Врахос – Долга, широка плажа со ситен златен песок и неверојатно чиста вода. Врахос е идеален за семејства и парови – тука ќе најдете уредени лежалки, beach bar-ови со chill музика, како и тивки делови каде може да се опуштите без гужва. Сместувањето е веднаш покрај плажата, па буквално станувате и се бањате.
Лигија – Мало, тивко место на само неколку километри од Превеза. Плажата е каменесто-песочна, многу мирна, со кристална вода идеална за пливање и нуркање. Лигија е позната по свежата риба и таверните веднаш до морето – тука ќе го вкусите вистинскиот грчки живот.
Парга – Најшармантното место на Јонското крајбрежје! Парга плени со својата бохо енергија, колоритни куќички и погледот кон замокот на ридот. Во близина се наоѓаат неколку прекрасни плажи:
Валтос – најголема и најпопуларна, со ситен песок и лежалки, совршена за целодневен престој.
Лихнос – сместена меѓу карпи, со длабока, чиста вода – омилена за кајак и нуркање.
Сарикинико и Аи Јанис – помали и поинтимни, со природна убавина и помалку туристи.
Сивота – Оддалечена само 30-тина минути од Парга, Сивота нуди уникатно искуство – мала ривиера со зелени островчиња и плажи до кои може да се стигне и со чамец. Bella Vraka е една од најпознатите – поврзана со копното преку плиток премин низ морето.
Превеза – Мало пристаниште со долга песочна плажа – Монолити – која важи за една од најдолгите во Грција. Идеално за оние што сакаат долги прошетки покрај море, но и вечерно уживање во кафулињата и таверните.
Јонското крајбрежје е идеално за оние што сакаат да го искусат најдоброто од Грција – плажи без масовен туризам, искрена гостопримливост и природа што одзема здив.
