Во Офицерскиот дом утре ќе биде отворена изложбата „Словенечки уметници – антологиски избор на графика“. На изложбата ќе бидат изложени дела на еминентни словенечки графичари, автори од сите генерации кои со својата работа, стил и автентичен израз дале неповторлив придонес кон развојот на светската графичка уметност, за што ќе им биде доделена посебна Плакета за придонес.
Овој настан се одржува по повод 31 година од воспоставувањето на дипломатски односи помеѓу Македонија и Р.Словенија и е во заедничка организација на ЈОУ КИЦ Битола и Амбасадата на Р.Словенија во Скопје.
