„Роботиката вчера, денес и утре“ е уште еден Еразмус проект кој ООУ „Св. Климент Охридски” – Битола го реализира од оваа учебна година па се до 2024 година.
Во истиот се вклучени наставници и ученици од училиштето. На мобилностите, учениците преку практични активности изработуваат роботи и ја совладуваат компјутерската техника за програмирање на истата.
Моменталната мобилност е во Тенерифе, на наставниците – еден од координаторите Гордана Анастасова, дел од членовите на проектиот тим Љупка Петкова и Атанас Пеев, како и 6 ученици од седмо одделение, што е прва мобилност со ученици. Од таму тимот на училиштето испрати топли поздрави.
„Училиштето и проектниот тим кој долгогодишно работи на проекти уште еднаш ја покажува својата посветеност на дело. Детските трајни знаења, искуствено учење и стекнатите вештини се на прво место. Со тоа ова училиште уште од најрана возраст ги подготвува учениците за чекорење во современиот свет во кој живееме“, велат од училиштето.
