Младиот и талентиран мотоциклист од Битола, Антонио Дамјановски со трка на отворениот македонски шампионат во Гевгелија викендов, ја започна оваа сезона. Иако не е задоволен од стартот на сезоната, оваа трка ја остава во минатото со фокус на следните трки и борба за подиум.
„Ја започнавме сезоната со малку лош старт. На првата трка од вториот круг возев со дупната гума и успеав да се изборам за 5-то место, а на втората трка имав пад, но поминав без повреди и завршив 3-то место. Се надевам дека овој лош старт на сезоната ќе биде само еден спомен од оваа сезона. Продолжуваме понатаму во нови победи и борба до подиумот. Им благодарам на сите кои дојдоа да ме поддржат, на оние кои веруватаат во мене, а најголема благодарност до мојот генерален спонзор Adora Business Group, мојот клуб Enduro Team Vodno – Skopje / Ендуро Тим Водно – Скопје и останатите мои спонзори“, вели Антонио Дамјановски.
