Велосипедскиот клуб Пелистер 15ти Мај зеде учество на меѓународна трка во Косово каде се натпреваруваа во три категории: сениори Петар Трајковски, во јуниори Андреј Лешнаров и кадети Стефан Митревски, како и Михаил Богдановски кој го освои второто место.
Трката се возеше во должина од 60 километри и имаше околу педесет велосипедисти од Македонија, Албанија и Косово.
„Годината ја започнавме со меѓународна трка, од резултатот не сме задоволни, но со оглед на проблемите со кои се соочуваше клубот во врска со клубските простории кои една година не можеме да ги користиме заради лични интереси на некои што не му мислат добро на спортот во Битола, можеме да кажеме дека и овој резултат не е лош. Се надеваме дека на наредната меѓународна трка која ќе се вози идната недела во Албанија ќе постигнеме подобри резултати“, вели Африм Јусуфи, тренер на велосипедскиот клуб Пелистер 15ти Мај и селектор на сениорска велосипедска репрезентација на Македонија.
