Во четврток, 23.03.23 во Свечената сала на Офицерски дом со почеток во 20.00 ч. ќе се одржи концерт на класична гитара на Јован Милошевски, на кој ќе може да се слушне шпанска и македонска музика за класична гитара „Жолто на црвено“.
„Ве покануваме на концертот на битолската гордост, светски познатиот музичар, човекот чие присуство секогаш носело радост и восхит“, велат од ЈОУ Културен и информативен центар Битола.
Влезот е слободен за концертот, а бројот на места е ограничен.
