Детското ликовно студио „Свети Кирил и Методиј“ Битола во соработка со Пошти денеска ја промовираа Поштенската марка која е изработена специјално за годинешното 41-во издание на Малиот Битолски Монмартр.
Проект координаторот и портпарол на МБМ Битола, Славчо Неделковски за Читај бе откри и како ќе изгледа пликот – жигот заедно со марката.
На марката има фотографија од основачот на МБМ, Коста Хаџи Антоновски, а околу него децата учесници на оваа манифестација.
„Голема благодарност до АД Пошти и господинот Јани Макрадули со кого ја започнавме оваа приказна која новиот менаџерски тим успешно ја реализираше“, истакна Неделковски.
Поштенските марки се чест, но и вечен паметник кој ќе патува низ целиот свет, каде што се распрснати и сите учесници во оваа 41 година на Малиот битолски монмартр.
