Ракометниот репрезентативец , битолчанецот Филип Кузмановски, по Магдебург и Хановер, сега е во Вецлар – Германија.
Од 2019-та игра за германски клубови. Пред Вецлар играше во Хановер, каде стекна голем број познанстава и пријатели. Тој вели дека спортскиот живот е постојана промена, а за новата средина вели:
„Таков е спортот, одиме напред и гледаме напред. Се надевам дека овде ќе најдам уште повеќе пријатели. Овде има многу Балканци. Тука е и Миркуловски, со кој и претходно се дружевме во слободно време“ вели Кузмановски за Читај бе кој викендов го имаше своето деби против Фуксе Берлин.
Вецлар е мал град, кој допрва ќе го истражува Кузмановски, во моментот неговиот приоритет се ракометот и тренинзите и опстанокот во Лигата. Наскоро ќе се одигра натпревар со Ерланген, така што продолжува напорниот тренинг период од кој Кузмановски очекува добри резулати.
Фотографии: Димитар Петковски
