ЈОУ Културен и информативен центар Битола во Офицерски дом- денеска на првата Годишна прес конференција пред битолската и македонската јавност и официјално ја претстави досегашната работа на најмладата и најамбициозна општинската културна установа за изминатата година.
Директорот на КИЦ, Лили Бошевска ги информираше за реализираните настани и иницијативи чија што бројка надминува 406 настани од областа на музички сценската, ликовната, театарската уметност, мултимедијални и меѓународни соработки. Беа промовирани проектите поддржани од Министерството за култура од национален интерес, најава за издавање електронско списание за култура уметност, отворање на Туристичкиот информативен центар во Кино Манаки, а воедно промовирана беше новата современа веб страна на КИЦ БИТОЛА
КИЦ Битола во оваа година влегува уште поамбициозно како со набавка на техника за уметничка реализација и презентации, така и со промовирање на нова современа веб страница kicbitola.mk изработена во соработка и поддршка на ит компанијата kimicom која соддржи целосен преглед на програмската и ресурсната структура на установата, настаните, архива, можност за резервации и сл.
Најавен е и амбициозен и многу интересен проект, односно електронското списание за култура и уметност „Бели хоризонти“, во кое ќе бидат поместени теми од културата и уметноста, архитектурата, сликарството, литературата, со што КИЦ Битола си постави нови предизвици и стандарди во работењето.
КИЦ Битола е поддржан со четири проекти од национален интерес од Министерство за култура од областа на ликовната уметност, интердисциплинарните уметности и меѓународна соработка, а поддршката од Општина Битола, освен во институционалниот дел доаѓа и во поддршка на повеќе проекти.
Новина во годинешната програмска и ресурсна поставеност на КИЦ Битола се подготовките за отворање на Туристичкиот инфо центар во рамките на Кино Манаки, активностите за туристичка промоција на Офицерски и Кино Манаки и секако Општина Битола.
2023 година за КИЦ Битола ќе биде убедливо динамична, така што битолчани и пошироката јавност ќе имаат можност да видат, посетат голем број настани. Битола полека но сигорно го враќа приматот – град на културата, на радост на сите.
