Петмина средношколци од Битола – Маргарита Велјановска, Огнен Петровски, Мила Кадинска, Илина Мојанчевска и Марта Јовановска, ученици во СОУ „Јосип Броз Тито“ – се дел од големиот натпревар за средношколски бизнис-идеи во Македонија, каде што главната награда изнесува 1.000.000 денари.
Нивната идеја, наречена „Iterly“, претставува паметен AI-планер и дигитален туристички водич кој треба да го направи планирањето на патувањата полесно, побрзо и поисплатливо.
Замислете да имате личен асистент кој, според вашиот буџет, желби, интереси и слободно време, ќе ви предложи каде да патувате, ќе ви помогне да пронајдете летови, ќе ви понуди туристички аранжмани и ќе ви направи персонализиран план за патувањето. Токму тоа е идејата зад „Iterly“ – сите важни информации и можности за патување да бидат достапни на едно место.
Со оваа идеја младите битолчани покажуваат дека имаат креативност, визија и желба да создаваат решенија што можат да го олеснат секојдневието.
Да им дадеме поддршка на нашите млади сограѓани! Секој глас е важен, затоа гласајте за тимот „Iterly“ на следниот линк:
🗳️ https://milioner.mk/vote/9ea19c14-6cd8-4d3a-b60a-8807840a24bf
