Имаш ли понекогаш чувство дека не се вклопуваш во овој свет? Не грижи се. Многумина го чувствуваат тоа. Оние што сè уште чувствуваат, веруваат и се надеваат дека ќе пронајдат душа слична на нивната. Некого со кого ќе можат да споделат обичен разговор, прошетка или близина што нема да биде обележана од интерес.
Не живеј така што паузите ќе ти станат луксуз. Таквата приказна брзо завршува. Оддалечи се кога веќе не можеш. Ресетирај ги односите. Не дозволувај да го собираш во себе туѓиот отров. Многу е тешко да се исфрли кога ќе се насобере до крај.
Гледајќи ги луѓето, можеби ти изгледа дека многумина живеат извонреден живот. Но, не си ни свесен колкава внатрешна празнина се крие зад многу од тие фасади. Површност. Чувство дека нивниот живот нема смисла. Зад навидум совршениот живот често се крие длабока внатрешна распаднатост.
Запомни една работа: не мораш никому ништо да докажуваш. Ниту да се оправдуваш. Со гордост кажи дека не се вклопуваш. Тоа е знак дека во тебе сè уште живее човекот.
