Во дворот на ООУ „Стив Наумов“ Битола денеска се одржа хуманитарeн базар ,,Ние малите за вас големите”, во пресрет на Велигденските празници.
ООУ „Стив Наумов“ –Битола, својата хумана димензија и социјална одговорност, како една од најважните особини на секој човек, сака да ја втемели кај најмалите, бидејќи тие се нашата светла иднина, велат од училиштето.
„Сакам да изразам голема благодарност до Советот на родители за оваа иницијатива и на сите кои што денес застанаа рамо до рамо со нас и ја покажаа својата хуманост и тоа: учениците ,наставниците поддржувани од родителите, бабите, дедовците вработените во нашето училиште. Сите средства од продажбата ќе бидат наменети за помош во лекувањето на родител од нашето училиште.Во овие моменти, кога споделуваме среќа и радост со најблиските, добро е да се потсетиме и на оние кои се на маргините заслужуваат внимание секој ден и имаат потреба од помош секој ден!Секој човек на светот заслужува насмевка во магичните празнични денови. Да бидеме сите хумани!“, истакна директорот на училиштето, Никола Пискачев.
