Синоќа во Кино Браќа Манаки, со проекција на филмот „Некрстени денови“ (Ballad of Piargy, 2022) од режисерот Иво Трајков започна фестивалот ,,300 работи, триста. Битолската премиера на овој филм, беше со исполнета сала. ,,Љубов, страст, надеж, грев и казна” – овие зборови најдобро ја опишуваат атмосферата на најновиот филм на Иво Трајков, кој се смета за симбол на модерната Содома и Гомора.
Визуелно прекрасна приказна, инспирирана од кратката приказна на словачкиот писател Франтишек Швантнер [František Švantner], овој филм се истакнува со својата оригиналност и реткост во пристапот кон темата. Преку брилијантната црно-бела фотографија, Трајков суптилно и без призвук детално ја пренесува атмосферата на историска драма и ги проследува хипокризијата на моралот, религијата и патријархалната традиција во општеството – аспекти што се исто така актуелни и денес, како и во времето пред Втората светска војна.
Филмот ,,Некрстени денови”, дело на словачко-македонско-чешка копродукција, го одбележуваат многу учествувања на меѓународни филмски фестивали и низа награди, вклучувајќи ги оние на фестивалите во Буенос Аирес, Брисел, Монтреал и други.
