Ансамблот за фолклор „Гоце Делчев“ од Битола се враќа од Меѓународниот фестивал во Велика Горица, Хрватска, со две значајни награди – за најдобар сценски настап и за најдобро кореографско изведување. Покрај овие признанија, ансамблот доби и благодарница за учество на фестивалот.
„Турнејата на „Гоце Делчев“ беше исклучително успешна. Исто така бевме единствени поканети во Хрватската Радиотелевизија, каде се покажавме во најдобро светло на нивната утринска програма“, велат од АФ „Гоце Делчев“ Битола.
По настапот во Велика Горица, ансамблот продолжува кон Осијек, каде ќе одржи целосен сценски настап во траење од 50 минути. Финалето на оваа летна турнеја ќе биде во Охрид, каде ќе земат учество на Меѓународниот Балкански Фестивал.
Повеќе за активностите на ансамблот следете на:
📘 Facebook: @AF Goce Delcev Bitola
📸 Instagram: @af_goce_delcev
