Тамара Грујеска од Гостивар под менторство на Тони Алексовски ја освои сцената на Интернационалниот фестивал „Angel Voice“ во Белград, Србија. Тамара настапи како претставник на фестивалот „MUSICLAND“ чиј директор е Алексовски.
„Од 4 до 10 мај годинава реализиравме прекрасно гостување на Интернационалниот фестивал „Angel Voice“ во Белград каде бевме јас како член на интернационалното жири во кое сум веќе петта година и претставничката на нашата држава, Тамара Грујеска од Гостивар која воедно е и како претставник на фестивалот „MUSICLAND“ и која настапуваше минатата година заедно со Камерниот оркестар на Битола. Таа воедно беше и минатогодишен претставик на Македонија на детската евровизија во Ница, Франција.
Оваа година како ментор и водач на македонската делегација бевме 5 дена на гостување во Белград. Тамара настапи со две песни во категоријата Тин, и ја освои наградата како најдобар учесник во таа категорија, а воедно и наградата Гран При, како апсолутен победник на фестивалот.
Прекрасни впечатоци, прекрасно гостување, а Тамара во свој стил и достојно ја претстави нашата држава и нашиот фестивал „MUSICLAND““, изјави за Читај бе, Тони Алексовски.
