Латино групата Старс од Танцовиот спортски клуб Степ Ап Битола оваа година со својот настап ја збогатија програмата на скопскиот Виенски Бал.
Организаторот на Балот упати покана после успехот кој го постигнаа на Светското Првенство во Шпанија со освојување на високото 4 место што дополнително го потврдува квалитетот кој го поседува оваа латино формација.
„Нема да сме нескромни ако кажеме дека квалитетот кој го поседуваат латино формациите станува бренд по кој се препознава ТСК СТЕП АП Битола не само кај нас туку и на меѓународно ниво. Наши танчери, танцови двојки или солисти традиционално речиси секоја година се дел од тимот кој ја збогатува и ја разубавува програмата на Виенскиот Бал. Им благодариме на организаторите на Балот за честа и укажаната доверба што членовите на СТЕП АП и оваа година беа дел од овој несекојдневен настан. Посакуваме уште долги години да ја негуваат оваа традиција, а нас ќе биде чест да оспособуваме и изградуваме квалитетни танчери спортисти кои ќе бидат и понатаму дел од Виенскиот Бал во Скопје“, изјави за Читај бе, Вера Сретенова Силјановска, претседателка на ТСК Степ Ап Битола.
