Битолчанецот Ристо Димитров Чурино е познат по тоа што уште од 2017 година ги реди своите успеси на Блискиот исток, во Султанатот Оман каде има успешна кариера како фитнес тренер и натпреварувач во боречки вештини. За неговиот клуб пристигна уште една потврда, партнерство со International Combats Association.
„Голема чест и задоволство ми е да го објавам партнерството со International Combats Association, кое го официјализиравме денес со нивниот потпретседател Емил Заинетдин, од кој го примив и овој медал во знак на отпочнување на нашата соработка.
На денешната средба разговаравме како можеме со заеднички напори да ги промовираме и да го подобриме статусот на боречките спортови во нашите земји и како да им помогнеме и дадеме поддршка на младите борци и спортисти.
Од мое име и од име на моите соработници би сакал да им се заблагодарам за укажаната доверба и дадената чест да токму јас бидам избран за нивни партнер и соработник“, истакна Димитров.
