На Балканските училишни спортски игри БАЛКАНИЈАДА 2022 кои се одржуваат во Охрид, учениците спортисти на Гимназијата ,,Јосип Броз Тито“- Битола постигнаа одлични резултати екипно и поединечно, во силна конкуренција на осум репрезентации Србија, Црна Гора, Албанија, Босна и Херцеговина, Република Српска, Република Косово, Бугарија и домаќинот Македонија.
Машката ракометна екипа е нов БАЛКАНСКИ УЧИЛИШЕН ШАМПИОН.
Ученикот Даниел Зхоу Главевски, кој имаше настап и на Светските училишни спортски игри, е нов БАЛКАНСКИ УЧИЛИШЕН ШАМПИОН во ПИНГ ПОНГ.
Ученичката Ана Марија Нечова како ДРЖАВЕН ШАМПИОН во ШАХ имаше одличен настап на БАЛКАНИЈАДАТА и го освои високото второ место.
Женската ракометна екипа на Гимназијата го освои второто место и е нов БАЛКАНСКИ ВИЦЕШАМПИОН.
