СОУ Гимназијата „Јосип Броз- Тито“ – Битола учебната 2023/2024 година ја започна со употреба на унифицираните кутии со прегради за мобилни телефони. Ваквите унифицирани кутии со прегради веќе можат да се сретнат во училишта во Македонија и ширум Балканот.
Пред почетокот на часот сите ученици заедно со професорот ги оставаат мобилните телефони во кутијата, се подразбира дека може да си ги земат телефоните по завршувањето на часоти да ги користат во текот на одморите.
„Секако дека за време на одморите можат да се користат. Вниманието и вклучувањето во часот се приоритет. Со оваа одлука се надеваме и очекуваме да се подобри вниманието и концентрацијата на часот, да се подобри училишниот успех на учениците, но и да се намали употребата и зрачењето на мобилните телефони во секојдневието“ – изјавија од Гимназијата.
Мобилниот телефон не е наставно средство и им пречи и на учениците и на професорите во текот на реализирањето на наставата, така што им ги намалува вниманието и концентрацијата во текот на часот. Ваквата одлука е поддржана од Наставничкиот совет, но исто така поддржана и поздравена од многу психолози и други стручни лица кои се занимаваат со добрите и лошите страни на употреба на мобилните телефони кај младите луѓе во развој. Можеби овој е мал чекор во моментов, но е значен, од негде мора да се почне и може серозно да придонесе за позитивни резулатите и во успехот и во поведението кај учениците.
За реализација на часови со ИКТ според наставната програма – Гимназијата располага со соодветна опрема, така што квалитетот на наставата е загарантиран и непречено се одвива.
