Со утринска Божествена Литургија во храмот кој високо се издигнува над Битола и е посветен на нивниот спомен, денеска се оддаде почит кон Светите 40 битолски преподобни маченици. Битолчани просејќи ги молитвите и застапништвото од светите маченици, се искачија и се поклонија на местото на нивното чесно страдање (Кркардаш – Kırk Kardeş тур. = Четириесет браќа).
Тропар, глас 4-ти: Ти, Кој доброволно…
На Битола благоуханите цветови, и сопричесници на мачениците Христови, светите Четириесет од душа да ги чевствуваме. Зашто тие, возвестувајќи ја православната вера, мракоподобната агарјанска заблуда ја изобличија; и поради отсечените божествени глави, од раскошот на рајот се насладуваат.
Фото: Саше Богоевски
Фото: Саше Богоевски
