Ансамблот Македонија на 25-ти Јули со почеток од 20 часот, ќе ја отвори изложбата и музичкиот перформанс Мултимедијален проект на градската традиција. Целиот настан ќе се одржи во фоајето и спратот на Офицерскиот Дом. На настанот ќе бидат прикажани костими од периодот на Ала Франга со потекло од крајот на XIX и почеток на XX век. На изложбата ќе бидат прикажани најрепрезентативните облековни елементи кои се носеле во градовите Битола, Прилеп и Скопје. Од музичката култура ќе има презентација на чалгиската традиционална култура претставенa преку песните и ората кои биле на репертоарот на повеќе градски центри се до почетокот на XX век. Дојдете и уживајте во презентацијата на облековните делови Полка, Минтан, Фустан, Сетре, Салтамарска, Тафта, Џубе, Фрак, Цилиндер, а исто така и во музичката култура, Адана, Јени Јол, Мори Јаглико, Пештреф, Кавала, Пред куќана имат, Невестинско венчално, Ќе ти купам широк фустан.
Мултимедијален проект за градската култура, Ансамбл „Македонија“ Скопје
25 јули, Офицерски дом – Битола, 21 часот