На третиот меѓународен боксерски турнир „Мирослав Петровиќ“ во Куманово, боксерскиот клуб „Пелистерски Јунак“ настапи со своите најдобри боксери браќата Рустемовски кои се и репрезентативци на Македонија.
Адријан Рустемовски славеше убедливо во финалето против боксерот Милош маринковиќ од Р.Србија. Ружди Рустемовски имаше две борби: полуфинале против боксерот Хали Хајдарај од Косово кого го совлада во 2-та рунда со прекин од страна на тренерите. Финале против боксерот Илија Бланков од Германија кого го совлада 4:1 на поени.
Ален Рустемовски имаше два добри меча благодарејќи на кои што стана и конкурентен за да биде освојувач на годинешниот меѓународен турнир. Во полуфиналето го совлада Германскиот репрезентативец Јилмиз Емре Кан А во финалето го совлада Црно Горскиот репрезентативец Томислав Џинович.
На Меѓународниот турнир „Мирослав Петровиќ“, тренерот Јове Петровски Оцо беше прогласен за најдобар тренер на турнирот и за најдобар македонски тренер.