Училиштето „Ѓорѓи Сугарев“ од минатата година започна интензивна соработка со непрофитабилната организација од САД „Macedonia Schools Project“.
Носител и координатор на проектот е наставничката по математика Лилјана Василевска, која со помош на директорот Роберт Филиповски остварија неколку замислени идеи.
Имено, во рамките на оваа успешна соработка се обезбедени повеќе од 6000 американски долари, кои беа наменети за: нагледни средства за кабинетите, три клима уреди, а годинешната донација (2500 американски долари) беше искористена за целосно опремување на две училници за најмалите ученици-првачињата.
Училниците сега добија нов современ изглед на училница од 21 век, каде учениците уживаат квалитетно поминато време, користејќи го катчето за релаксација заедно со добра книга. Нивните насмеани лица кажуваат повеќе од пишаните зборови, секако бескрајна благодарност должиме до Macedonia Schools Projekt, без кои ништо од ова не можеше да се реализира и да стане наше реално секојдневие.
Се надеваме и имаме желба оваа соработка да продолжи во иднина со уште поголеми проекти.
Голема благодарност и до директорот на MSP Том Линехам , како и до Васја Јорданова без чија помош немаше да се овозможи оваа успешна соработка.
