Утре, во рамките на Еразмус проектот „Гејм он“, ученици од ОУ „Даме Груев“ Битола ќе реализира ликовен хепенинг на новата сцена при Центарот за култура Битола во кој ќе се вклучи група од 20-тина деца од 5 земји. Како почетна форма на хепенингот на сцената ќе се појават учениците од „Даме Груев“ кои ќе започнат интерактивен перформанс со текст произлезен од процесот на подготовка на хепенингот на тема „Уметноста како можност за справување со стресот кај младите“, а потоа и ќе анимираат и заедничка ликовна работилница со публиката. Основната цел е да се разбудат емоциите и чувствата при креирањето – создавањето.
Хепенингот, кој е од затворен тип е под раководство на Весна Дунимагловска, ликовен уметник, наставник по ликовно образование во ОУ „Даме Груев“, а координатор на ЕРАЗМУС проектот е Соња Јанкуловска.
