Водата е живот – учениците учеа како да ја заштитиме

Овој месец се одбележува празникот посветен на водите, а по тој повод денес беше реализирана едукативна презентација за значењето на водата и нејзината улога во секојдневниот живот.

Учениците имаа можност да се запознаат со процесот на водоснабдување – од зафатот на суровата вода до нејзината дистрибуција, како и со начинот на обработка и прочистување. Исто така, тие имаа можност да видат како се врши испитување на квалитетот на водата преку соодветни анализи.

Со оваа активност сакаме да придонесеме кон подигање на свеста за заштита и рационално користење на водните ресурси, бидејќи водата е непроценливо богатство кое треба одговорно да го чуваме и користиме секојдневно.

Настанот беше организиран од ЈКП „Водовод“ – Битола.