Управниот одбор при манастирскиот комплекс „Свети Јован Крстител“ Битола во местото наречено Германски гробишта донесе одлука на редовниот состанок и го испрати соопштението до верниците од Битола:
„Се раширија гласини од мал број т.н. душегрижници кои би се грижеле за манастирскиот комплекс, за неогвата градба и уредување, неовластени од никого како што можеме да прочитаме.
Си дозволија да дадат нивни благослов за да бараат донации, материјални и финансиски, со назнака средствата да стигнуваат кај непознати неовластени лица, ставајќи ги нивните имиња и телефони за контакт со верниците донатори.
Сето ова се случува самоволно без да знае црковната власт.
Се прашуваме каде завршуваат овие донации и како мислат тие да го осветат ова светилиште непочитувајќи го црковниот поредок и државните закони, според кои овие постапки и иницијативи претставуваат казнени дела.
Апелираме, доколку има лица кои сакаат да донираат во манастирот, може да го контактираат исклучиво Управниот одбор и старешината на манастирот назначени од претпоставените црковни власти.
Контакт телефон од старешината: 072-219-950
жиро сметка: 500000000935010 Стопанска банка Битола“, се вели во соопштението од Управниот одбор на манастирот „Свети Јован Крстител“ Битола.
