Во склоп на проектот „Да ја вратиме љубовта кон читањето“ на Пелагониските културно –научни средби се одржаа последните едукативни работилници во ООУ „Кочо Рацин“ -Ивањевци, ПУ с.Српци – Општина Могила, со кои ракводи директорот Николче Циуновски.
Во работилниците учествуваа учениците од прво до петто одделени, чии одделенски наставници се Ирена Кочова и Дунавка Коштревска.
Учениците имаа можност да се забавуваат преку цртање, пишување и читање на начини кои нив им се блиски според возраста.
Во училишната библиотека беа подарени неколку најнови наслови од македонски автори.
Во текот на работилниците- за работа се користеше книгата за деца „Последниот лист гитарист“ од Даниела Петровска и дел од творештвото на писателот за деца – Киро Донев.
Креатор на проектот е д-р Весна Калпаковска, а координатор е Биљана Т. Димко, проектот е поддржан од Општина Битола.
Воодушевувачки е колку убаво средено училиштето и сиот училиштен простор – пофалби до исклучително посветените наставниции и техничката служба.
Во подрачното училиште „Кочо Рацин“ во Српци, се реализира настава од прво до деветто одделение, на македонски јазик. Училиштето ги има сите услови за реализација на формална и современа настава.
Училиштата кои се лоцирани во руралните предели на Пелагонија имаат голема важност не само поради образовната намена туку и за севкупниот општествен живот.
