Богојавленската вода е значајна потврда на православната вера.
Богојавленската вода со години останува свежа, вкусна, осветена и лековита.
Одамна постои обичај оваа вода да се чува во специјален сад цела година, затоа што таа помага во секоја болест и кога малите деца имаат страв ноќно време, и кога на човек нагло ќе му се слоши и кога храната не му годи и кога неможе да ги поднесува болките во болеста и кога му се смутуваат помислите и не знае како некоја работа да ја реши и воопшто, многубројни се тешкотиите и моментите во животот кога Богојавленската вода е навистина од корист, ако се употребува со вера.
„Секој треба да има дома богојавленска вода доволна за целата година и да се ползува со неа во секоја потреба: во случај на болест, тргнување на пат, кога некој е вознемирен, учениците пред испити итн. Луѓето што пијат по малку света вода секој ден, пред јадење, прават добро. Таа ги укрепува силите на нашата душа – ако тоа се прави со молитва и набожност, без да се очекуваат механички резултати од тоа“. Свети Јован Шангајски
