На 18.11.2022 година со почеток од 11 часот во НУУБ „Свети Климент Охридски“ Битола ќе се одржи трибина под наслов “НЕ за врсничкото насилство”.
19. ноември го одбележуваме како Светски ден за превенција од насилство врз децата. Покрај тоа што се навршуваат 33 години од денот кога Генералното собрание на ОН ја усвои Конвенцијата за правата на децата, голем број деца во светски рамки се уште не ја дожувуваат утопијата превидена од нејзините креатори. Напротив, според истражувањата, половина од учениците на возраст од 13 до 15 години, во светот на број околу 150 милиони, пријавуваат дека доживеале насилство и тоа токму од врсниците во и околу училиштето. Во земјава, 42% од учениците на возраст од 13 до 15 години пријавиле дека доживеале врсничко насилство во и околу училиштето.
„Насилството е незаборавна лекција што ниедно дете не треба да ја научи и тоа може да се спречи. И бидејќи може да се спречи, ние мора да го направиме тоа. Училница по училница, училиште по училиште, ние можеме да ставиме крај на насилството во училиштата. Учениците од целиот свет истапуваат за да побараат безбедност и образование што ги заслужуваат. Време е да тргнеме по нив. Треба да им се придружиме“, велат од Правната клиника на Правниот факултет на УКЛО.
