Работните акции од пред 4 децении имаа огромно влијание врз младите и нивните обврски кон животот, велат акцијашите кои денеска во Битола се собраа од неколку градови за да одбележат 40 години од сојузната работна акција „Пат на младоста 1982“ во организација на здружението на волонтери – акцијаши „Волонтери – Пелистер“ – Битола.
Во тоа време многу беше лесно да се биде командант зашто секој ја исполнуваше својата обврска, рече тогашниот командант на сојузната работна акција „Пат на младоста 1982“. Вели, на една акција имаше и по 1000 луѓе кои работеа на иградбата на патниот правец Прилеп-Битола-Ресен.
„Секоја година учествуваа по пет до шест бригади во смена, околу 1000 луѓе на една акција со претставници од сите републики во тогашна Југославија. Имаше големо дружење и други вредности кои тогаш се практикуваа за разлика од денеска. Имаше други вредности кои се практикуваа за разлика од денес. Битола од 70-те до половината на 80-те години го има најголемиот економски развој, изграден е РЕК, битолската болница, хиодросистемот Стрежево и патот Ресен – Битола Прилеп, рече Мишко Ѓелевски -командант на сојузната младинска работна акција „Пат на младоста 1982“.
Втората работна акција се одржа во 1983 година, третата и последна во 1984 година. Претходно биле работните акции во 1979 година за Стрежево, 1980 година исто така Стрежево, и 1981 година стрежевската. Тие се шест сојузни акции, од кои првата акција била за изградбата на системот Пелагонија.
Работната акција „Пат на младоста 1982“ продолжи после трите години работни акции за изградба на хидростистемот Стрежево, а три години од „Пат на младоста“ работеа на патниот правец Прилеп-Битола-Ресен.
