Синоќа, во препознатливиот амбиент на Голд Фелиција, под мотото „За раѓањето и вечноста“ со уникатен спој на музика, танц и традиција, беше одбележан четвртиот роденден на еден од највпечатливите забавно-уметнички простори во земјава.
Спектаклот беше реализиран како авторско дело на Кабаре Голд Фелиција и продукцијата 77 Entertainment. Композитор на музиката е Димитар Андоновски, додека кореографијата ја потпишуваат Бобан Русески, Симона В. Карадакоски и Илија Карадакоски. За сценскиот изглед и костимите се погрижи Андреј Ѓоргиевски – Папаз.
На сцената настапија артистите од ансамблот на Голд Фелиција, кои со својата изведба уште еднаш ја потврдија препознатливоста на овој бренд. Вечерта беше збогатена и со гостувањето на Фолклорниот ансамбл КУД „Илинден“, кои внесеа дополнителна енергија и традиционален дух.
Голд Фелиција изминативе четири години стана синоним за квалитетна забава, оригинални кабаре настапи и гостувања на најголемите македонски и балкански музички ѕвезди. Досега се одржани над 320 настани, што сведочи за континуираниот успех и влијание на ова културно-забавно жариште.
Фото: Саше Богоевски
