Синоќа во КИЦ Битола – Офицерски дом, се одржа 29-то издание на “Шопенова вечер”.
Настанот е во организација на Друштво за македонско-полско пријателство и соработка “Висла”, Државно музичко училиште – Битола и Полската амбасада во Македонија.
На концертот со дела од композиторот Ф.Шопен, се претстваија дваесет и три ученици од основното и средно музичко училиште, од класите по пијано, виолина и соло пеење.
На концертот присутните имаа можност да ја слушнат поезијата на Адам Мицкјевич “Неизвесност”, на полски и на македонски јазик. Читаа: Вероника Спасевска и Јована Спасевска.
Свое обраќање имаше и претседателката на друштвото „Висла”, Малгожата Мачковска и претставник на полската амбасада во Скопје.
На крајот од концертот, Полската амбасада традиционално ги награди учесниците за нивниот придонес во промоција на музиката на полскиот композитор Фредерик Шопен.
