Десеттото издание на Битола Шекспир фестивалот ќе го отворат Велешкиот театар „Јордан Х.К. Џинот“ и драмскиот театар од Р.Бугарија со претставата „Едвард Втори“. Фестивалот ќе трае од 28 јуни до 2 јули со богата програма.
Фестивалот годинава ќе се одржи под мотото „Месечината јасно свети во ноќ како оваа“ според стих на Вилијам Шекспир кое што го опишува фестивалот и целата програма, вели актерот и директор на НУ Народен театар – Битола, Иван Јерчиќ.
Оваа година фестивалот има 6 претстави, а гостуваат театарски ансамбли од Прилеп, Турција, Србија, Италија и Бугарија. Една од претставите која публиката ќе има можност да ја види е и претставата на битолскиот театар „Хамлет – денот на убиствата“ во режија на Марјан Нечак.
Фестивалот и годинава ќе има своја богата офф програма.
