Објавени се и резултатите од светското детско ликовно биенале [ конкурс ] Канагава кое се одржува во Јапонија во реализација на Министерството за надворешни работи на Јапонија – Јапонската агенција за меѓународна соработка – УНЕСКО – УНИЦЕФ и ООН и кое кон крајот на минатата година го одбележа своето 23 издание.
Канагава светското детско ликовно биенале воедно е еден од најстарите детски ликовенни конкурси во светот кој без прекин се реализира веќе 46 години.
За 2О24 / 2О25 година учество на големиот настан имаа 71 држави од сите контитенти на светот кои генерираа фонд од над 15.ООО детски ликовни цртежи од кои меѓународната жири комисија ги додели наградите Гран При и тоа на 3 држави – Награда од Министерството за надворешни работи и комуникации – Наградите за специјални колекции кои се доделни на 35 школи и наградите за најдобри ученици – учесници кои ги добија 35О ученици од цел свет.
Од Македонија – ученичките на Детско ликовно студио “Свети Кирил и Методиј” Битола: Фросина Полизовска – Сара Сотировска и Стефанија Димитријовска се меѓу добитниците на престижните Награди “Канагава” т.е. златен медал – објави организаторот на настанот.
Детско ликовно студио “Свети Кирил и Методиј” Битола во Биеналето во Канагава – Јапонија веќе традиционално одвојува високи награди низ сите 46 години од неговата реализација.
Наградите на ученичките на Детско ликовно студио “Свети Кирил и Методиј” Битола ќе им ги додели амбасадорот на Јапонија во Македонија на церемонија која претходно ќе се договори со студиото, а најверојатно при реализацијата на 44 издание на “Мал Битолски Монмартр” 2О25 година.
На претпоследното издание во 2О23 година златен медал освои членот на Детското ликовно студио “Свети Кирил и Методиј” Битола – Нина Пешевски.
