Вечерва се спушти завесата на 43.издание на ИФФК „Браќа Манаки“ во Битола. По препознатливиот црвен тепих на фестивалот, како на отворањето, така и на затворањето поминаа филмските работници, гостите, организаторите на фестивалот, љубителите на филмот.
Беа доделени наградите на фестивалот. Златната „Камера 300“ ја доби Рубен Импенс, белгискиот кинематограф во италијанскиот игран филм „Осумте планини“. Сребрената „Камера 300“ ја доби италијанката Дарија Д’Антонио, додека бронзена „Камера 300“ му беше доделена на кинематографот Хидетоши Шиномија од Јапонија.
Исто така беше доделена и специјалната „Камера 300“ на една од легендите во кинематографијата Џон Метисон, снимател на филмовите „Гладијатор“, „Икс-мен“, „Логан“ и и многу други
„Апсолутно сум воодушевен што сум тука и затоа што ова е единственото место во светот каде што се чувствува нашата работа. Вие го направивте фестивалот „Браќа Манаки“ таков како што доликува. Успевате да не промовирате нас како кинематографи, но и самата филмска камера како нешто што заслужува голема важност, истакна кинематограферот Метисон.
Се доделија и наградите и во документарна и студентска категорија.
Фото: Саше Богоевски