„Виена во Битола“ – фотогалерија од новогодишниот концерт на Камерниот оркестар на Битола

Под диригентската палка на Иван Еминовиќ и Владимир Димовски, синоќа во Центарот за култура Битола се одржа новогодишниот концерт на Камерниот оркестар на Битола под наслов „Виена во Битола“.

Токму со овој концерт во преполната сала се заокружи годинешната програма на Центарот за култура, а битолчани имаа можност да ја почувствуваат предновогодишната и божиќната магија благодарение на камерниот оркестар, диригентите, но и Зана Абази Рамадани-сопран (Косово), Ивана Здравкова-сопран, Роберто Јакини Вирџили-тенор (Италија), Мими Поп Алексова-примабалерина при НОБ и истакнати балетски солисти.

Но концертот е и увертира на она што следува во иднина, а тоа е институционализација на Камерниот оркестар на Битола.

Фото: Диоген Хаџи Коста Милевски