Новиот лев бек на пелистерци: Еднаш гостував со Бидасоа Ирун во Битола и бев импресиониран од амбиентот во салата

Францускиот лев бек, 27-годишниот Руди Сери потпиша двегодишен договор со РК Еурофарм Пелистер. За клубот и градот вели дека се поинакви од франциските и шпанските, но вели дека ќе се навикне тука. При неговото гостување со Бидасоа Ирун во Битола, бил импресиониран од амбиентот во салата.

„Одлично ми е тука. Добро сум прифатен во градот и во клубот. Градот е прекрасен, веќе гостував тука како противник и сега сум задоволен што ќе живеам во Битола. За мене ново искуство е тренер кој говори англиски и екипа која комуницира на повеќе јазици во соблекувалната. Напорно работиме, можеби малку повеќе од другите екипи, но имаме многу новајлии и по три недели работа нестрпливо ги чекаме натпреварите. Пасијата на луѓето по ракометот тука е нешто ново за мене. Еднаш гостував со Бидасоа Ирун во Битола и бев импресиониран од амбиентот во салата. Поинаков е клубот и градот од француските и шпанските, но тука сум да научам и да се привикнам на македонскиот стил“, рече Сери.

Руди Сери (Франција) – лев бек
02.04.1994 во Париз, Франција

2011-2017 – Селестад
2018-2020 – Бидасоа Ирун
2020-2022 – Сесон Рен
2022- Еурофарм Пелистер
Договор (2022-2024)