РЕК Битола и СОУ Крсте Петков Мисирков од Демир Хисар ја продолжуваат соработката во дуалното образование.
Резултатите од работењето на паралелката што беше формирана минатата година се позитивни за двете страни, а особено задоволни се учениците кои практичната настава ја изведуваат во комабинатот, под будното око на сертифициран ментор, вработен во РЕК Битола.
Со формирањето на дуалната паралелка, РЕК Битола стана една од македонските компании кои се верификувани во доменот на дуалното образование, што претставува општествен интерес на сите страни вклучени во образовниот процес и, генерално, на македонското стопанство.
