Планинарската група „Олимпус Монс“ по 12 пат на 1 јануари ја организира турата со симболично име „Први на први“, кога вљубениците во планината ќе имаат можност да видат првото изгрејсонце во Новата Година на највисокиот врв на Баба Планина, Пелистер.
Членовите на експедицијата со последни подготовки и загревање пред ноќното искачување на планината. Ќе тргнат една минута после полноќ, а очекувано време за пристигање на врвот Пелистер е 05:00 часот.
Пред тргнување се обратија на бината на платото пред Офицерскиот дом пред насобраните битолчани кои вечерва тука ќе ја дочекаат Новата година.
