На 25.11.2022 во соработка со Здравствениот дом „Д-р Хаим Абраванел“- Битола се одржа „Предавање за дијабетесот и мерење на шеќер во крвта“. За таа цел беа присутни докторката Ангелина Велјановска и сестрата Весна Стоименова. Докторката на почетокот одржа кратко предавање за дијабетесот, а потоа се запозна со здравствената состојба на секој од присутните.
На крајот, им го измери шеќерот и им даде совети за негово регулирање, притоа упатувајќи ги сите присутни да се консултираат со нивниот матичен лекар. Учесниците беа многу задоволни од учтивоста и пристапот на здравствените работници, како и од добиените информации и услуги. Здравствениот медијатор, Мелиса Комина, исто така изврши контролно мерење на нивото на шеќер во крвта на дел од учесниците кои ог посакаа тоа.
„Изразуваме голема благодарност до докторката Ангелина Велјановска и сестрата Весна Стоименова за соработката. Активноста е поврзана со специфичната цел 1.1 од Здравствениот локален акциски план за Роми кој е веќе усвоен од Општина Битола“, велат од Ромскиот здравствен образовен центар Битола.
