Денеска во Битола во кристалната сала на Офицерскиот дом се одржа третата промоција од Поетскиот караван „Стихувалки 2022″ подржан од Министерството за култура. Настанот е организиран од издавачката куќа ЕдукаМак Скопје.
Настанот го отвори м-р Ели Маказлиева, а како промотори се обратија проф.д-р Кристина Николовска и проф. д-р Елизабета Бандиловска.
На настанот со свои точки се претставија децата од двете установи за деца, детски градинки „Мајски цвет” и „Естреја Овадија Мара“. Со свои творби се претставија и авторите Татјана Грегова, Дана Тембелеска, Снежана Манџов од Битола, Моника Рујаноска од Кривогаштани чии творби ќе се најдат во стихозбирката.
Во збирката ќе бидат застапени 88 автори од Македонија и соседните земји. Фестивалот се одржува по петти пат.